मध्य नाइजेरियामा भारी वर्षाका कारण आएको बाढीले एक सय १० जनाको मृत्यु भएको छ। सरकारी अधिकारीहरूले यो जानकारी दिएका हुन्।
नाइजर राज्य आपतकालीन व्यवस्थापन एजेन्सी (एनएसईएमए) का प्रमुख अबुलाही बाबा-आराले धेरै घण्टासम्म वर्षा भएको बताएका छन्। ‘बढ्दो बाढीको पानीले ५० भन्दा बढी घर र त्यसमा बस्ने मानिसहरू बगाएको छ,’ उनले भने।
आपतकालीन व्यवस्थापन एजेन्सीका अनुसार मोक्वा शहरको टिफिन माजा र अंगुवान हौसावा क्षेत्रमा बाढीले सबैभन्दा बढी क्षति पुर्याएको छ।
नाइजेरियाले सन् २०२२ मा पनि ठूलो बाढीको सामना गरेको थियो। उक्त बाढीमा १३ लाख मानिस घर छोड्न बाध्य भएका थिए भने छ सयभन्दा बढीको मृत्यु भएको थियो।
