अख्तियार दुरुपयोग अनुसन्धान आयोग बर्दिवासबाट खटिएको टोलीले सबडिभिजन वन कार्यालय बन्दीपुर सिरहाका प्रमुख रामकेवल राय यादवलाई पक्राउ गरेको छ ।
विशेष सूचनाको आधारमा खटिएको टोलीले सेवाग्राहीसँग १२ हजार घुस लिइरहेको समयमा आज मङगलवार कर्जन्हा नगरपालिका वडा ४ बन्दीपुरबाट यादव पक्राउ परेका हुन् ।
घुस मागेपछि सेवाग्राही अख्तियार दुरुपयोग अुसन्धान आयोग बर्दिवास पुगेर जानकारी गराएको थियो । सोही जानकारीको आधारमा अख्तियारबाट खटिएको टोलीले यादवलाई पक्राउ गरिएको हो ।
यस विषयमा डिभिजन वन कार्यालय लहानका सूचना अधिकारी वन अधिकृत राधेश्याम चौधरीसँग सम्पर्क गरेर जिज्ञासा राख्दा बेलुका ५ बजे अख्तियारले बन्दीवुर सवडिभिजन कार्यालयका प्रमुख यादवलाई पक्राउ गरेको पुष्टि गरे ।
