बेलायतका नयाँ प्रधानमन्त्री एन्डी बर्नमले मंगलबार देशमा महँगीको मार कम गर्न तत्कालैबाट विद्युत् महसुलमा लाग्दै आएको भ्याट हटाउने निर्णय गरेका छन् । यस निर्णयले बर्सेनि औसतमा एक परिवारले ४५ पाउन्ड कम शुल्क तिर्नुपर्ने हुन्छ ।
बर्नम प्रधानमन्त्री बनेको एक दिनपछि यो निर्णय भएको हो, जसले प्रधानमन्त्री भएलगत्तै नीतिगत हस्तक्षेपको शृंखला चलाएर आमनागरिकलाई जीवनयापनको उच्च लागत कम गर्ने वाचा गरेका थिए ।
‘मैले भनेको थिएँ कि म आममानिसलाई राहतको सास फेर्ने अवस्थामा पुर्याउन चाहन्छु । र, अहिले प्रधानमन्त्रीको रूपमा मेरो दोस्रो दिन म यसै दिनमा कदम चाल्दै छु । यो कदम आशा फिर्ता ल्याउन आवश्यक थियो,’ बर्नमले एक विज्ञप्ति जारी गर्दै भने ।
