दैलेखको जमिनमुनिबाट निकालिएको पेट्रोलियम पदार्थ परीक्षणका लागि चीन लगिएको छ । पेट्रोलियम पदार्थ अन्वेषणका लागि ड्रिलिङ कार्य सम्पन्न भएपछि चिनियाँ प्राविधिक टोलीले प्राप्त नमूना परीक्षणका लागि चीन लगेको हो ।
लेखको भैरवी गाउँपालिका–१ जलजलेमा पेट्रोलियम पदार्थको अन्वेषण कार्य गत वैशाखदेखि जारी छ । चार हजार १३ मीटर गहिरोमा प्राप्त पेट्रोलियम पदार्थको परीक्षण गर्न लागिएको बुझिएको छ ।
पेट्रोलियम पदार्थ अन्वेषणका लागि चीनबाट ३५ जना प्राविधिकको टोली आएको थियो । चीनमा नमूना परीक्षण पूरा हुन तीन महिना लाग्ने छ ।
