अग्निप्रसाद सापकोटाविरुद्धको मुद्दा ‘हेर्दाहेर्दै’मा

नेकपा माओवादी केन्द्रका उपाध्यक्ष अग्निप्रसाद सापकोटाविरुद्धको अपहरण तथा हत्यासम्बन्धी मुद्दा हेर्दाहेर्दैमा राखिएको छ। सर्वोच्च अदालतको संवैधानिक इजलासमा सुनुवाइ नसकिएपछि उनको मुद्दा हेर्दाहेर्दैमा राखिएको हो।

संवैधानिक इजलासमा सापकोटाविरुद्ध तीनवटा मुद्दा छन्। अर्जुनकी पत्नी पूर्णमाया लामा, कनकमणि दिक्षित र सुशील प्याकुरेलसहित ८ जनाले सापकोटाविरुद्ध मुद्दा दायर गरेका थिए। विसं २०६२ वैशाख १६ गते तत्कालीन माओवादीको अपहरणमा परेका लामाको दुई महिनापछि शव फेला परेको थियो।

यसअघि सर्वोच्चले गत असोज ९ गते हालसम्म भएका प्रगति विवरण माग गरेको थियो। तत्कालीन प्रधानन्यायाधीश विश्वम्भरप्रसाद श्रेष्ठ तथा न्यायाधीशहरू प्रकाशमान सिंह राउत, सपना मल्ल प्रधान, प्रकाश कुमार ढुंगाना र कुमार रेग्मीको इजलासले अनुसन्धानका विवरण झिकाउन आदेश गरेको थियो।