एसीसी यू-१६ इस्ट जोन कप क्रिकेटको सेमिफाइनलमा नेपालले आज मलेसियासँग प्रतिस्पर्धा गर्दैछ । खेल विहान पौने ८ बजे सेलांगर टर्फ क्लबमा सुरु हुनेछ ।
समूह ए विजेता बनेको नेपालले सिंगापुर, जापान, इन्डोनेसिया र अन्तिम खेलमा भुटानलाई २९८ रनले हराउँदै सेमिफाइनल यात्रा तय गरेको हो । मलेसिया भने समूह बी को उपविजेता हो, जसले माल्दिभ्स, थाइल्याण्ड र म्यानमारलाई हराएको थियो ।
आजै अर्को सेमिफाइनलमा हङकङ र सिंगापुरबीच प्रतिस्पर्धा हुनेछ । फाइनल खेल शनिबार हुनेछ । नेपाल प्रतियोगिताको साविक विजेता पनि हो ।
