हिन्दु धर्मावलम्बीहरूका लागि आस्थाको केन्द्र मानिने जानकी मन्दिरमा बिहानैदेखि भक्तजनको ओइरो लागेको थियो। साँझपख मन्दिर चारैतिरबाट रंगीचंगी बत्तीले सजिएपछि वातावरण अझ भव्य बनेको थियाे ।
रामनवमीको विशेष पूजाआजा तथा दर्शनका लागि नेपालका विभिन्न स्थानका र भारत समेतबाट श्रद्धालुहरू जनकपुरधाम आएका छन्। मन्दिर परिसरमा भक्तजनहरू राम–सीताको जयघोषमा रमाइरहेकाे देखिन्छ।
रामनवमीको दिन जानकी मन्दिरमा विशेष सजावट र कार्यक्रम हुँदै आएको र मन्दिर व्यवस्थापन समितिले भक्तजनलाई सहज रूपमा दर्शन गराउने व्यवस्था मिलाएको थियाे ।
साभार: वसन्त ढुंगाना/नागरिक दैनिक
