सहिद भीमनारायण श्रेष्ठ गोल्डकपको १७औँ संस्करण आइतबारबाट धनकुटामा सुरु भएको छ । धनकुटास्थित तल्लो टुँडिखेलमा भएको उद्घाटन खेलमा आयोजक सहिद भिमनारायण स्मृति प्रतिष्ठानलाई ३-१ गोलले हराउँदै सप्तरीको नमोबुद्ध युथ क्लब दोस्रो चरणमा प्रवेश गरेको छ ।
सप्तरीले पहिलो हाफमै तीन गोल गरेको थियो । सप्तरीको तर्फबाट निर्मल घिसिङ, मिक्सम दास र मोहित गुरुङले गोल गरे । आयोजकको तर्फबाट दोस्रो हाफमा दिपेन शाक्यले गोल गरेका थिए ।
प्रतियोगिता चैत्र २३ गतेसम्म सञ्चालन हुनेछ । प्रतियोगिताको विजेताले उपाधिसहित पाँच लाख रुपियाँ र उपविजेताले दुई लाख ५० हजार रुपियाँ प्राप्त गर्नेछ । प्रतियोगितामा आठ टिमको सहभागिता रहेको छ ।
