उडिरहेको विमानमा अचानक कुनै यात्रीको मृत्यु भएको खण्डमा के गरिन्छ भन्नेबारे धेरैलाई जानकारी नहुन सक्छ । यस्तो अनुभव भोग्नु नपरोस् भन्दाभन्दै पनि कहिलेकाहीँ झेल्नुपर्ने हुन सक्छ ।
उडानकै क्रममा ती महिला यात्रीको मृत्यु भएपछि शवलाई बिजनेस क्लासतर्फ लैजान चालक दलका सदस्यले प्रयास गरे । साँघुरो बाटो र शवको वजन बढी भएका कारण यो प्रयास सफल हुन सकेन ।
सोही विमानमा सवार मिशेल रिङ्ग र जेनिफर कोलिन बसेकै छेउमा दुई सिट खाली थिए । चालक दलका सदस्यले उनीहरूलाई खाली सिटमा पठाएर उनीहरू बस्दै आएको सिटमा शव राखिदिए ।
त्यसपछि चार घण्टासम्म शवका साथ आफूहरूले विमानमा यात्रा गर्नु परेको रिङ्गले बताए । यो आफ्नो जीवनकै सबैभन्दा खराब अनुभव रहेको उनको भनाइ थियो ।
कतार एयरवेजले उडानका क्रममा निधन भएका यात्रुका परिवारप्रति आफ्नो समवेदना रहेको जनाएको छ । उक्त घटनाबाट भएको असुविधाप्रति खेद प्रकट गरेको पनि एयरवेजले जनाएको छ ।
