राष्ट्रिय स्वतन्त्र पार्टी (रास्वपा) का प्रथम महाधिवेशनबाट निर्वाचित केन्द्रीय सदस्यहरूको पद तथा गोपनीयताको शपथ ग्रहण भाेलि बुधबार हुने भएको छ।
चितवनको भरतपुरमा सम्पन्न प्रथम राष्ट्रिय महाधिवेशनबाट निर्वाचित केन्द्रीय सदस्यहरूको शपथ ग्रहण कार्यक्रम भाेलि बिहान ११ बजे पार्टीको केन्द्रीय कार्यालय, घण्टीघरमा आयोजना गरिएको महाधिवेशनबाट निर्वाचित केन्द्रीय सदस्य गणेश पराजुलीले जानकारी दिए ।
पराजुलीका अनुसार शपथ ग्रहणपछि केन्द्रीय समिति बैठक समेत बस्ने तयारी गरिएको छ। बैठकमा पार्टीका मनोनित पदाधिकारी तथा केन्द्रीय सदस्यहरूको मनोनयनलगायत समसामयिक संगठनात्मक विषयमा छलफल हुने जनाइएको छ।
