सूचना तथा सञ्चार मन्त्री समेत रहेका नेकपा एमालेका उपमहासचिव पृथ्वीसुब्बा गुरुंगले बामदेव गौतमसँग पार्टी एकता आवश्यक नभएको बताएका छन् । बुटवलमा प्रेस चौतारी रुपन्देहीले आयोजना गरेको पत्रकार सम्मेलनमा बोल्दै उनले वामदेवको साथमा कोही नभएकाले उनलाई कुनै पद दिएर पार्टीमा ल्याउने सम्भावना नभएको बताए ।
गौतमले जसरी पनि एमालेमा समाहित हुने चाहना व्यक्त गरेकाले पार्टी अध्यक्ष केपी शर्मा ओली कुरा गरेको उनको भनाई छ । उनले भने ‘उनसँग साथ को छ र ? एकताका लागि, एकताको त केही अर्थ हुन्छ होला नि ।’
मंगलबारको बसेको एमालेको सचिवालयको बैठकले वामदेवसँग सहकार्य गर्ने निर्णय गरेको थियो ।
