सोमबार सार्वजनिक बिदाका दिन करदाता कार्यालय र बैंक खुला रहने

अर्थ मुख्य समाचार शिक्षा/खेलकुद समाचार सुचना/प्रबिधि स्वास्थ्य

सरकारले सोमबार सार्वजनिक बिदा दिएपनि राजस्व संकलनसँग सम्बन्धित कार्यालयहरू खुला रहने भएका छन्। आन्तरिक राजस्व विभागले एक सूचना जारी गर्दै करदाताहरूलाई सहजीकरण गर्नका लागि कार्यालयहरू खुला राख्न निर्देशन दिएको हो।

गृह मन्त्रालयको आइतबार छठ पर्व भएपनि त्यसको भोलिपल्ट कात्तिक ३० गते सार्वजनिक बिदा दिएको छ। तर, उक्त दिन कात्तिक महिनाको मसान्त पर्ने भएकाले राजस्व परिचालनका काम प्रभावित नहोस् भनी विभागले विशेष व्यवस्था गरेको विभागका निर्देशक बुद्धिप्रसाद आचार्यले जानकारी दिए।

आचार्यका अनुसार गत आर्थिक वर्षको आय विवरण दाखिला गर्न, आर्थिक ऐन २०८३ ले प्रदान गरेका छुट सुविधाको उपयोग गर्न,  बक्यौता फरफारक गर्न अन्तःशुल्कजन्य वस्तु निष्कासन गर्ने प्रयोजनका लागि करदाताहरूलाई सहजीकरण गर्नका लागि आन्तरिक राजस्व विभागअन्तर्गतका ठूला करदाता कार्यालय (हरिहरभवन, ललितपुर), मध्यमस्तरीय करदाता कार्यालय (बबरमहल, काठमाडौं) र देशैभरका सबै आन्तरिक राजस्व कार्यालयहरू खुला रहनेछन्। विभागले राजस्व संकलन गर्ने बैंकहरूसँग समन्वय गरी कार्य सम्पादन गर्ने व्यवस्था मिलाउन निर्देशन दिएको छ। null

Leave a Reply

Your email address will not be published. Required fields are marked *