म्यानमारले रोहिंग्यामाथि नरसंहार गरेको अन्तर्राष्ट्रिय अदालतको ठहर

अन्तराष्ट्रिय अर्थ मुख्य समाचार राजनिति शिक्षा/खेलकुद समाचार सुचना/प्रबिधि स्वास्थ्य

म्यानमारले मुस्लिम अल्पसङ्ख्यक रोहिंग्या समुदायमाथि नरसंहार गरेको अन्तर्राष्ट्रिय न्यायालय (आईसीजे) ले ठहर गरेको छ । संयुक्त राष्ट्रसंघको सर्वोच्च अदालतले म्यानमारले रोहिंग्या समुदायको ठूलो हिस्सालाई नष्ट गर्ने उद्देश्यसहित हिंसा गरेको निष्कर्ष निकालेको हो ।

सन् २०१७ मा म्यानमारको रखाइन राज्यमा सेनाले सञ्चालन गरेको सैन्य कारबाहीमा करिब १० हजार रोहिंग्या मारिएका थिए भने ७ लाखभन्दा बढी विस्थापित भएर बंगलादेश पुगेका थिए । अदालतले हत्या, बलात्कार, बालबालिकामाथि चरम हिंसा तथा गाउँबस्ती जलाउने कार्यलाई नरसंहारसँग सम्बन्धित प्रमाणका रूपमा लिएको छ ।

न्यायाधीशहरूको ९–६ मतले आएको यो ऐतिहासिक फैसलाले म्यानमारले सन् १९४८ को नरसंहारसम्बन्धी महासन्धि उल्लङ्घन गरेको ठहर गरेको छ । अदालतले पीडितलाई क्षतिपूर्ति दिनुपर्ने पनि जनाएको छ ।

फैसलालाई रोहिंग्या समुदाय र मानवअधिकारवादी संस्थाहरूले स्वागत गरेका छन् । यद्यपि आईसीजे फौजदारी अदालत नभएकाले दोषीलाई जेल सजाय दिन सक्दैन । फैसलाको कार्यान्वयनका लागि संयुक्त राष्ट्रसंघको सुरक्षा परिषद् र अन्तर्राष्ट्रिय दबाब महत्त्वपूर्ण हुनेछ ।

Leave a Reply

Your email address will not be published. Required fields are marked *