सत्ताको लोभबाट माओवादी बाहिर आउन सकेन : घनश्याम भुसाल

उनले भने, ‘अर्को एउटा क्रान्तिकारी हाम्रो सहयात्री पार्टी छ— नेकपा (माओवादी केन्द्र)। माओवाद भनेर नाम राखेको छ। के हो माओवाद? व्याख्या पनि गर्न सक्दैन। किन राखेको हो थाहा छैन। ‘लुकिङ लन्डन, टकिङ टोकियो।’ माओवाद भनेको यता हेरेर उता कुरा गर्ने। सिद्धान्त कता हो थाहा छैन। के सन्दर्भमा छ? माओवादबाट हेर्दा समाज, भू–राजनीति के कता देखिन्छ? अर्कै देखिन्छ। त्यस्तो सिद्धान्त लिएर हिँडेको छ। त्यसले क्रान्ति गर्नै सक्दैन। त्यसले यस्तै गर्दछ— ‘हाम्रा बलमा गणतन्त्र आयो, गणतन्त्र हामीले ल्याएको हो, यो हामीले ल्याएको हो, त्यसैले यसको भोग पनि हामीले गर्न पाउनुपर्छ।’ तर्क प्रणाली यही हो।

उनले प्रदर्शनमा आउनेहरूले ‘आइ लभ यु केपी बा’ नभई ‘क्रान्तिको हिसाब देऊ’ भन्ने माग गर्नुपर्ने धारणा राखे ।महासचिव भुसालले देश डुबिरहे पनि दलाल पुँजीपतीहरू फाइदामा रहेको बताए। उनले नेता सफल तर देश असफल भइरहेको अवस्था रहेको जिकिर गरे।