“हामी कुशासन र भ्रष्टाचारको अन्त्य चाहन्छौँ। यस अभियानमा सहभागी हुन राप्रपाको झण्डा, नेपालको राष्ट्रिय झण्डा वा कांग्रेस, एमाले, माओवादीका समर्थक भए पनि हाम्रा मुद्दालाई समर्थन गर्ने जो कोहीलाई आह्वान गर्छु,” लिङ्देनले भने।
उनले देश बनाउने र बचाउने अभियानमा सबैलाई आफ्नै झण्डासहित सहभागी हुन आग्रह गरे।
यसैबीच, अध्यक्ष लिङ्देनले गत चैत १५ गते भएको प्रदर्शनमा राज्यले नै हिंसा भड्काउन खोजेको आरोप लगाए। उनले हिंसात्मक गतिविधि गर्ने जोसुकैलाई कारबाही गर्ने चेतावनीसमेत दिए। राप्रपाका नेता ज्ञानेन्द्र शाहीले बल्खु क्षेत्रको कार्यक्रमको तयारीस्वरूप स्थलको अनुगमन गरिएको जानकारी गराए ।
काठमाडौँ प्रहरी प्रमुख र मातहतका प्रहरी अधिकारीहरूसँग छलफल गरी प्रदर्शनलाई शान्तिपूर्ण बनाउन आवश्यक समन्वय गरिएको उनको भनाइ छ। राप्रपाले कुशासन र भ्रष्टाचारविरुद्ध आफ्नो अभियानलाई सशक्त बनाउँदै देशव्यापी प्रदर्शनको घोषणा गरेको छ।
