मेलम्चीबाट सुन्दरीजलस्थित पानी प्रशोधन केन्द्रमा क्षमताभन्दा बढी पानी आएपछि ८ कराेड लिटर पानी वाग्मतीमा छाडिएको छ ।मेलम्ची नदीबाट अहिले दैनिक २५ करोड लिटर पानी आइरहेको छ । जसमध्ये करिब १८ करोड लिटर पानी प्रशोधन गरी उपत्यकामा वितरण गरिएको मेलम्ची खानेपानी विकास समितिले जनाएकाे छ ।
तीन महिनाअघि बन्द भएको मेलम्चीको पानी काठमाडौं उपत्यकामा वितरण सुरु गरिएको छ । सिन्धुपाल्चोकको हेलम्बु गाउँपालिकास्थित मुहानबाट सुरुङमा पठाइएको पानी वितरणको शुभारम्भ खानेपानीमन्त्री प्रदीप यादवले सुन्दरीजल स्थित पानी प्रशोधन केन्द्रमा गरेका थिए ।
‘प्रशोधन केन्द्रको क्षमता १७ देखि १८ करोड लिटर हो भएकाेमा बढी पानी आएपछि वाग्मतीमा पठाइएको हो समिति ले जनाएकाे छ । पहिला वाग्मतीबाट ५ करोड पानी प्रशोधन केन्द्रमा ल्याइने गरेकाेमा हाल साे बन्द गरि अहिले पानिकाे समस्या नभएकाले बढी भएकाे पानि वाग्मतीमा छाडिएकाे र यसले नदीको बहाव पनि बढाएको सिमितले जनाएकाे छ ।
उपत्यकामा पानीको माग दैनिक ४७ करोड लिटर छ । पर्याप्त पानी भए पनि भौतिक संरचना नहुँदा बढी पानी वाग्मतीमा बगाइएको हो । मेलम्चीको पानी काठमाडौंमा वितरण सुरु गरेको चार वर्ष बित्न लाग्दा पनि सरकारले काठमाडौं उपत्यकामा निरन्तर पानी पठाउने योजना बनाउन भने सकेको छैन ।
